Љупчо Шубариќ Цветковски е еден од партнерите во Адвокатското друштво Партнери – Цветковски и Никочевиќ. Тој е лиценциран адвокат и правен експерт со повеќе од 17 години искуство во правниот сектор во Република Северна Македонија, со успешно завршени проекти од различни домени на правната сфера. Тој е еден од најискусните адвокати во областите од работните односи, јавните набавки и корпоративното право, при што има учествувано на голем број на семинари, обуки и конференции за специјализираната материја. Вниманието на детали и желбата да постигне најдобри можни резултати за своите клиенти го прави навистина исклучителен адвокат, со исклучителни вештини во медијација и алтернативни начини за решавање спорови. Тој е исто така добро познат по неговата работа во предмети за преземање и спојување, енергетика, јавно приватно партнерство и осигурување.

Ален Никочевиќ е еден од партнерите во Адвокатското друштво Партнери – Цветковски и Никочевиќ. Кaко лиценциран адвокат и правен експерт, има повеќе од 5 години искуство во нотарската правна област и 12 години искуство во правниот судски сектор во Република Северна Македонија. Работи во секторот за парница и на предмети поврзани со сите видови граѓански спорови, семејно право, парнични и стечајни постапки и е водечки адвокат во сите градежни проекти и проекти за недвижности. Во текот на својата правна пракса се специјализираше во доменот на имотно-правни спорови, кој усвојува прагматичен, стратешки и разумен пристап кон сите негови правни и судски спорови, во константна заедничка соработка со своите Клиенти.

Билјана Славковска е адвокат во Адвокатско друштво Партнери-Цветковски и Никочевиќ. Како лиценциран адвокат и правен експерт од 2004 година работи во повеќе области од правото, и тоа во секторот – парница на предмети од сите видови граѓански и стопански спорови. Во својата долгогодишна адвокатска пракса се специјализирала за постапки од кривичното, стопанското, трудовото и семејното право, со посебен фокус на областа за заштита на жени и деца, жртви на родово базирано и семејно насилство. Како дел од нејзиниот долгогодишен професионален ангажман е правната поддршка и во здравствениот сектор, на повеќе јавни здравствени установи од терциерно ниво. Последната деценија, посебен фокус има во секторот за домување, како и унапредување на политиките и праксите во борбата против насилството врз жените и семејното насилство. Повеќе од 15 години активно учествува во невладиниот сектор како правна поддршка, а со тоа и била дел од голем број на работилници од различни области и тренинзи за професионален развој.